Hall Hazırda oxuduqunuz xəbər
baslik

Alıcıları qiymətdə aldadan satıcılara qarşı – SƏRT CƏZA

Tarix: 07-01-2016 / 19:10 | Baxılıb: 549
yazıyı büyüt yazıyı küçült
Alıcıları qiymətdə aldadan satıcılara qarşı – SƏRT CƏZAYeni İXM qəbul olunub.

Azərbaycanda ticarət sahəsində alıcıların aldadılması ilə bağlı məsuliyyət yaradan şərtlərin sayı artırılır, yeni sərt cəzalar tətbiq edilir və eyni zamanda fiziki şəxslərin bu hal üzrə məsuliyyət daşıması müəyyənləşdirilir.

Oxu.Az APA-ya istinadən xəbər verir ki, bu, Milli Məclis tərəfindən yeni qəbul olunmuş İnzibati Xətalar Məcəlləsinin 446-cı (İstehlakçı hüquqlarının pozulması) maddəsində təsbit olunub.

Yeni maddəyə əsasən mal satan və ya əhaliyə xidmət göstərən şəxslər tərəfindən malın ölçüsünə, çəkisinə, hesabına, habelə istehlak xüsusiyyətinə, keyfiyyətinə dair istehlakçıların az miqdarda (az miqdar dedikdə, 40 manata qədər nəzərdə tutulur) aldadılması da məsuliyyət yaradacaq.

Bütün bunlara görə fiziki şəxslər 350 manatdan 500 manata qədər, vəzifəli şəxslər 1500 manatdan 2 000 manata qədər, hüquqi şəxslər isə 4 000 manatdan 6 000 manata qədər cərimə olunacaqlar.

Hazırda qüvvədə olan məcəlləyə görə isə cəzalar yalnız vəzifəli və hüquqi şəxslər üçün nəzərdə tutulur ki, bu da müvafiq olaraq 1000 manatdan 1500 manata qədər, 4 000 manatdan 5 000 manata qədərdir.

Azərbaycan prezidenti tərəfindən təqdim olunmuş yeni İnzibati Xətalar Məcəlləsi dekabrın 29-da Milli Məclis tərəfindən qəbul olunub və 2016-cı il mayın 1-dən qüvvəyə minəcək.






Paylaş:
 
Xəbər lenti
Xəbər arxivi
«    Dekabr 2020    »
BeÇaÇşCaCmŞbBz
 123456
78910111213
14151617181920
21222324252627
28293031 

VƏTƏNPƏRVƏR.İNFO SOSİAL ŞƏBƏKƏLƏRDƏ