Hall Hazırda oxuduqunuz xəbər
baslik

“Sərhəd fədaisi” filminin təqdimatı keçirilib

Tarix: 23-10-2021 / 17:22 | Baxılıb: 162
yazıyı büyüt yazıyı küçült
“Sərhəd fədaisi” filminin təqdimatı keçirilib“Azərbaycan İstiqlal Muzeyində” ilk sərhədçi general Mustafa Nəsirovun 100 illik yubileyinə həsr olunan “Sərhəd fədaisi” sənədli filminin təqdimatı keçirilib. Filmin müəllifi jurnalist Mehman Davudoğludur.

Təqdimat mərasimində bildirilib ki, Mustafa Nəsirov 91 ilə yaxin mənalı və şərəfli ömür sürüb. Onun yarım əsrdən çoxunu Sərhəd Qoşunlarına həsr edib. İlk Azərbaycanlı general olması ilə hər zaman fəxr edib. 1968-ci ildə milli lider Heydər Əliyevin təşəbbüsüilə SSRİ DTK-nin Zaqafqaziya sərhəd dairəsinin hərbi-əməliyyat söbəsinin rəis müavini vəzifəsinə təyin edilib. Ulu öndərin dəstəyi ilə general rütbəsinə qədər yüksəlib. Bir çox orden və medallarla təltif olunub.

Qeyd edilib ki, Azərbaycan Respublikasının Prezidenti cənab İlham Əliyev də Mustafa Nəsirova hər zaman qayğı ilə yanaşıb. Prezidentin 24 oktyabr 2011-ci il tarixli Sərəncamı ilə Mustafa Cəfər oğlu Nəsirov "Şöhrət" ordeni ilə təltif edilib.

Bildirilib ki, Mustafa Nəsirov 2011-ci il may ayının 27-də dünyasını dəyişib. General II Fəxri Xiyabanda dəfn olunub.

Daha sonra tədbir iştirakçıları general Mustafa Nəsirova həsr olunan sərgi ilə tanış olublar. Sərgidə ilk sərhədçi generalın həyatının müxtəlif illərinə, xidməti fəaliyyətinə həsr olunan fotoşəkillər və kitablar, şəxsi əşyaları, çoxsaylı orden və medalları nümayiş olunub.

Mərasimdə Veteranlar Təşkilatının üzvləri, Dövlət Sərhəd Xidmətinin əməkdaşları, Vətən müharibəsi qəhrəmanları, generalın ailə üzvləri iştirak edib.

Azərbaycan İstiqlal Muzeyində təşkil olunan sərgi oktyabr ayının 27-ə qədər davam edəcək.


“Sərhəd fədaisi” filminin təqdimatı keçirilib
“Sərhəd fədaisi” filminin təqdimatı keçirilib
“Sərhəd fədaisi” filminin təqdimatı keçirilib
“Sərhəd fədaisi” filminin təqdimatı keçirilib
“Sərhəd fədaisi” filminin təqdimatı keçirilib
“Sərhəd fədaisi” filminin təqdimatı keçirilib
“Sərhəd fədaisi” filminin təqdimatı keçirilib
“Sərhəd fədaisi” filminin təqdimatı keçirilib
“Sərhəd fədaisi” filminin təqdimatı keçirilib






Paylaş:
 
Xəbər lenti
Xəbər arxivi
«    Noyabr 2021    »
BeÇaÇşCaCmŞbBz
1234567
891011121314
15161718192021
22232425262728
2930 

VƏTƏNPƏRVƏR.İNFO SOSİAL ŞƏBƏKƏLƏRDƏ